“Опел корса” се превртела на патот Гостивар – Кичево

Вчера, околу 7 часот, регистрирана е сообраќајна несреќа на  магистралниот пат Гостивар – Кичево.

Според информациите на полицијата, во непосредна близина на Церовски мост, патничко возило „Опел корса“ со гостиварски регистерки таблици, што го управувал 50-годишниот гостиварец Г.Г, од докрај неутврдени причини загубило контрола, удрило во карпа и се превртело на покрив.

Повредениот возач пренесен е во гостиварската Општа болница „Ферид Мурад“ за укажување на лекарска помош.

По извршениот увид се утврдува причината за излетувањето на возилото и другите околности, информира полицијата.