Определен 30 дневен притвор за мајката на детето кое загина во пожарот во Гостивар

Судија на претходна постапка од Основниот суд во Гостивар попладнево определи мерка притвор од 30 дена на 35 годишната С.Т. од Ресен, мајка на детето кое почина во пожарот вчера во Гостивар, потврдија за Gostivarpress.mk од судот. Жената вечерва ќе биде спроведена во Казнено-поправната установа затвор „Скопје“.

Основното јавно обвинителство Гостивар ја сомничи мајката за сторено кривично дело – Повреда на семејни обврски, предвидено и казниво согласно член 203 став 2 во врска со став 1 од Кривичниот законик.

Трагедијата се случи вчера наутро во станбена зграда на ул „Кеј Вардар“, каде мајката живеела со својата сестра и  четирите деца. Останатите деца по пожарот се згрижени на безбедно.