Определен притвор за Катица Јанева

Судија на претходна постапка определи 30 дневен притвор за Катица Јанева, објави вечерва порталот А1 он . Специјалната јавна обвинителка во оставка е третоосомничена во истрагата за случајот “Рекет”.

Таа се сомничи за злоупотреба на службената положба и овластување и дека влијала во предметот “Империја” осомничениот Орце Камчев да добие олеснителни околности и поповолна позиција, а од тоа што до сега е обелоденето, се знае дека за возврат добила мебел од 5.000 евра.

За случајот „Рекет“ осомничени се Бојан Јовановски – Боки 13 и Зоран Милески – Кичеец, кои втор месец се наоѓаат во притвор.

Јанева беше приведена претпладнево.