Гостивар
Општина Гостивар доби специјално возило за заловување кучиња скитници
Кучињата скитници од гостиварските улици ќе се заловуваат со специјално возило, опремено со десет кафези, кое Центарот за развој на полошкиот плански регион денес го предаде на Општина Гостивар. Возилото, според најавите ќе биде ставено во функцијата деновиве, откако ќе се заврши формално префрлување и регистрирање.
Комбето е набавено преку проектот за регионален и инклузивен развој, што го спроведува УНДП, со финансиска поддршка од ЕУ.
„Ние како општина сме презеле одредени мерки за проблемот со кучињата скитници и до сега се третирани околу 240 кучиња. Ова возило кое го добиваме е многу значајно, современо и опремено е и со него можат одеднаш да се фаќаат и транспортираат десет кучиња“, изјави градоначалникот Таравари, кој потенцираше дека стационарот кој општината го подготви во објектот на старата касарна, се` уште не ги добил сите потребни документи и дозволи за да функционира официјално. „Се шетаат документите во бирократските лавиринти на Владата. Разгледуваме и друга можност, заедно со невладини организации, да опремиме друг стационар којшто би бил во објект сопственост на општината“, рече градоначалникот.
Директорот на Центарот за развој на полошкиот плански регион, Фатмир Саити информираше дека проектот предвидува и изработка на физибилити студија за Регионален центар за згрижување на бездомните животни и подготовка на техничка документација. „Мислам дека до крај на годината ќе ја имаме целата документација , па потоа ќе знаеме повеќе детали и насоки, дали ќе биде еден, два, три центри, од каде ќе се бараат фондови за реализација и слично“, изјави Саити.
Специјалното возило всушност е наменето за сите општини во Полошкиот регион, но додека не се отвори Регионален центар за справување со кучињата скитници, возилото се додели на Гостивар како општина која предводи во справувањето со овој проблем.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk