Општина Гостивар: Граѓаните да не доаѓаат во службите без неопходност и да ги контактираат телефонски

Гостиварската локална самоуправа преку соопштение апелираше граѓаните да избегнуваат да доаѓаат во општинската зграда без неопходна потреба, а службите да ги контактираат телефонски.

„Поради влошената состојба со Ковид-19, општинската администрација на Гостивар ќе се заложи непречено да ги обезбеди сите услуги за граѓаните, но со максимално избегнување на физички контакт. Поради тоа, се додека не се нормализира состојбата, се молат граѓаните да не се обраќаат физички во просториите на општината без некоја неопходна потреба, а сите потребни информации ќе можат да ги добијат на телефон. Со повикување на тел. бр. 042/ 214 – 600 ќе можете директно да контактирате со одгворните на сите сектори и служби во Општина Гостивар.“, се наведува во соопштението.

Општината исто така, апелираше до сите граѓани, да ги почитуваат препораките и протоколите за заштита од Ковид-19 и, заштитувајќи се себе си и нивните најблиски, да придонесат за јавното здравје.