Гостивар
Општина Гостивар ќе ги наградува успешните спортисти, клубови, тренери…
Гостиварската локална самоуправа ќе доделува награди и признанија на спортисти, спортски работници, клубови, тренери, здруженија и училишни тимови. Начинот и критериумите за добивање на наградите ќе бидат определени во посебен Правилник, чија првична верзија денес беше презентирана во општината. Откако ќе се дефинираат сите детали, Правилникот ќе биде ставен на гласање пред Советот.
На овој начин ќе ги остраниме сомнежите дека при распределба на парите за спорт од општинскиот буџет има фаворизирања, истакна градоначалникот Арбен Таравари. „Постојат субјективни коментари од некои луѓе, дека одредени клубови и спортисти добиваат повеќе пари од општината, а други помалку. Со овој Правилник ќе ги минимизираме ваквите озборувања. Го претставуваме најпрво пред спортистите, клубовите, спортските работници за да го слушнеме нивното мислење, предлози, забелешки, така е најдемократски“, изјави градоначалникот.
Содржината на Правилникот ја презентираше советникот во советот и карате ас од Гостивар, Берат Јакупи, кој ги повика сите активни спортисти и клубови, кои не се регистрирани да ја завршат оваа обврска, за да може да конкурираат за наградите.
„Има доста клубови коишто се активни, но не се институционализирани и заради тоа не можат да конкурираат, не само во општината, туку и во другите институции и донатори. Затоа нека биде ова еден апел, да се институционализираат. Свесни сме дека најчесто пречка за регистрирање се финансиите, но спортистите треба да гледаат долгорочно, дека на тој начин губат многу “, рече Јакупи.
Во предлог Правилникот стои дека наградите од областа на спортот ќе се состојат во плакети, медали и парични средства. Ќе се доделуваат на најуспешни спортисти – мажи и жени, јуниори и јуниорки, тимови во машка и женска категорија, спортисти/спортско лице со попречености, спортско здружение – екипни и поединечни спортови, училишен тим како и спортист од Гостивар кој се натпреварува во странство. Кандидатите ќе ги рангира посебна комисија со пет члена, а висината на паричната награда ќе ја определува градоначалникот, врз основа на буџетот за спорт.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник