Гостивар
Општина Гостивар ќе го стимулира користењето на велосипеди – издвоени 900.000 денари
Локалната самоуправа на Гостивар годинава ќе ги зајакнува мерките против аерозагадувањето. Советот на последната седница усвои Стратегија за чист воздух, а буџетот за заштита на животната средина за 2020-та година изнесува 3,6 милиони денари, што е двојно повеќе од лани.
Надлежните за животна средина ги анализираат и евидентираат изворите на загадувањето. На територијата на Општина Гостивар има 2 асфалтни бази и 3 фабрики со А интегрирани еколошки дозволи, и 10 каменоломи со Б дозволи. Работат и голем број на капацитети за производство на бои, лакови, живинарски фарми и слично кои исто така, придонесуваат за нечист воздух.
Околу 20% од аерозагадувањето отпаѓа на автомобилите и загревањето на домовите.
„Затоа, како и минатата година предвидуваме да даваме субвенции на домаќинствата за замена на изворот на загревање, односно наместо дрва, јаглен, нафта да ги поттикнеме да користат инвертери. Околу 900 илјади денари, пак ќе се издвојат за субвенционирање на велосипеди, со што сакаме да ги поттикнеме граѓаните, наместо автомобили што почесто да користат велосипеди во секојдневието, кога одат на работа или да завршат обврски“, рече Зуди Џелили од Општина Гостивар.
Субвенциите за набавка на инвертери, општината лани ги додели по пат на јавен оглас, на кој граѓаните можеа да аплицираат под одредени услови. Процесот ќе се одвива на истиот начин и годинава. Во делот на стимулирањето на користење велосипеди, посебна комисија допрва ќе ги утврдува деталите.
Борбата против загадувањето на воздухот во Гостивар ќе се води и со зголемување на зелените површини, изградба на нови паркчиња, помасовно засадување на дрвја и слично.
Според податоците од државниот мониторинг за квалитет на воздухот, од 31 ден во јануари во Гостивар дури 27 дена било надминато нивото на штетни ПМ10 честички во воздухот.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk