Општина Гостивар ќе купува нова ХТЗ опрема за пожарникарите

Општина Гостивар објави тендер за набавка на нова ХТЗ опрема за потребите на Противпожарната единица. Според наведеното во огласот, планирано е пожарникарите да добијат нови униформи, панталони, јакни, обувки, маици. Од сите делови на опремата, локалната самоуправа ќе купува по 45 парчиња.

Тендерот е отворен до 16 јули, по што ќе се избере најповолната понуда и по склучување на договорот ќе се започне со постапката за доставување на новата опрема за пожарникарите.

Инаку, Противпожарната единица на Гостивар, со години наназад се соочува со тешки услови за работа, недостиг на кадар и немање доволно опрема и возила. Службата има потреба од дополнителен број на пожарникари како и од подобрување на условите во објектот, кадешто се сместени.

ТППЕ Гостивар покрива голем регион и освен на гостиварското поддрачје, делува и на територијата на општините Врапчиште и Маврово Ростуше.