Гостивар
Општина Гостивар ќе наградува ученици, наставници и групи од градинка
Успешни основци и средношколци, посветени просветни работници и детски групи од градинките во Гостивар, ќе добијат можност за општински награди кои ќе ги доделува локалната самоуправа. Критериумите и начините на наградување се определени со посебен правилник.
Се вреднуваат и бодуваат успеси постигнати на општински, регионални и меѓународни натпревари, организирање и учества во креативни активности, ангажирање во хуманитарни цели и друго. Предвидени се награди за најдобар ученик во основно (прво, второ и трето место), најдобар ученик во средно (прво, второ и трето место), најдобра група деца од детските градинки, паралелка од основните училишта, паралелка од средните училишта, група ученици (ученичка секција, екипа) од основните училишта, група ученици (ученичка секција, екипа) од средните училишта, најдобар просветен работник од детските градинки, најдобар просветен работник од основните училишта и најдобар просветен работник од средните училишта.
Процесот на избор почнува со објавување на конкурс, од страна на посебна Комисија. Кандидатите пријавите ги доставуваат до Советот на училиштето, којшто пак ги доставува до архивата на Општина Гостивар. Откако ќе ги разгледа пријавите, Комисијата изготвува бодовна листа и ја доставува до градоначалникот.
Наградите, освен парични може да бидат и во вид на определени вредности што одговараат на нивната педагошка намена (часовник, книга, билети за филмска, театарска, спортска и друга културно уметничка претстава, платен престој во детско одморалиште, платено учество за екскурзија, претплата на весници, списанија, ученички прибор и сл.) за што одлука носи градоначалникот.
„Со пофалбите и наградите се стимулира развојот на позитивни особини кај учениците, се јакне вербата во сопствените можности и се дава признание за постигнатите резултати со воспитно-образовната дејност.“, стои во Правилникот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар