• Дата: 12/03/2018

Општина Гостивар: Од преземање на раководството до сега, издадени се 24 одобренија за градба

По преземање на мандатот од страна на градоначалникот Арбен Таравари и формирање на нова раководна екипа во Секторот за урбанизам, општинаГостивар има издадено вкупно 24 одобренија за градба, соопшти службата за информирање. Од нив 16 се за индивидуални станбени објекти, три за пренамена, адаптации и реконструкција, една за Мерна станица за амбиентален воздух, една за мали хидроцентрали и две за реконструкција на патишта.

„Бидејќи во медиумите беше објавена информација дека општина Гостивар нема издадено ниту една дозвола за градба во месец јануари годинава, сметаме дека мораме правилно да ги информираме граѓаните и да ги демантираме податоците дадени од Државниот завод за статистика. Покрај тоа, информациите дека во јануари 2017 година биле издадени 37 градежни дозволи, исто така се неточни. Конкретно, во јануари 2017 година издадени се само седум градежни дозволи. Од друга страна, за 21 барање за одобрение за градба, постапката од страна на општината е завршена, односно  пресметане надоместокот за комуналии, за кои се чека да се изврши уплата и да се издадат одобренија за градба“, се наведува во соопштението.

Според податоците од Секторот за урбанизам во периодот декември 2017 – февруари 2018, биле решени 654 предмети за легализација на дивоградби, од кои 166 позитивно.

 

Оставете коментар

Вашата Емаил адреса нема да биде објавена.Задолжителните полиња се означени *

*