Гостивар
Општина Гостивар планира делумно исклучување на јавното осветлување за заштеда на енергија
Гостиварската локална самоуправа прави планови и разгледува можности како да ја намали потрошувачката на електрична енергија. Една од опциите за која треба да се донесе одлука е воведување одредени рестрикции на јавното осветлување.
„Општината има одреден план за штедење на електричната енергија. Идејата ни е од следниот месец да почнеме со градското осветлување, на пример од полноќ да се гаснат светилките, особено на главните улици, кадешто има некакво осветлување од излозите на повеќето дуќани. Во споредните улички светилките нема да се гаснат, затоа што сепак постои ризик да нема никакво осветлување и да биде потполно мрачно. Имаме и други идеи, посебно за спортската сала, за општинската зграда, како тоа да функционира за да заштедиме повеќе енергија. Меѓутоа ние сме и во процес на издавање на јавното осветлување под концесија, знаете дека последните месеци многу помалку пари собираме, а повеќе плаќаме со оглед дека цените се поскапени за 4 до 5 пати. Ќе преземаме се‘ што е во наша можност со цел да се заштеди што повеќе.“, изјави градоначалникот на Гостивар, Арбен Таравари.
Од 1 септември треба да стапат на сила мерките за штедење на електрична енергија, кои Владата ги усвои пред десетина дена, меѓу кои се: исклучување на декоративното осветлување на фасадите на сите објекти и културни споменици, да не се користи осветлување во внатрешните простории во јавните објекти во период кога има доволно дневна светлина, во јавните објекти во сезона на ладење температурата на климатизерите да се местат не пониско од 27 степени, а во сезона на греење не повисоко од 20 степени, печатење само на оние документи кои се потребни и онолку копии колку што се неопходни итн.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар