Општина Гостивар по втор пат во проект за ангажирање невработени со ниски квалификации

Невработени лица и приматели на социјална помош од гостиварското подрачје од денес се ангажирани за вршење јавни работи, а активностите ги започнаа со расчистување на просторот кај поранешната касарна. Општина Гостивар го обезбеди нивниот ангажман преку јавниот повик наменет за лица со ниски квалификации, што претходно го објави Агенцијата за вработување.

„Општина Гостивар ангажираше 25 работници преку јавен оглас за организирање на јавни работи со ангажирање на невработени лица со ниски квалификации и истите денеска почнаа со работа. Имплементацијата на оваа програма за вработување доаѓа преку Работниот клуб на Агенцијата за вработување на РСМ – Центар за вработување. Вреди да се напомене дека примаат дневница од 600 денари со вклучен персонален данок. По тој повод денеска ја посетив нивната активност која започна од поранешната касарна во Долна Бањица.“, информираше градоначалникот Арбен Таравари.

Општина Гостивар по втор пат е вклучена во ваков проект.