Вести
Општина Гостивар: Ревизијата покажа големи злоупотреби во Комуналец од претходното раководство
Обвинувања за злоупотреби во јавното претпријатие „Комуналец“ во Гостивар од страна на претходното општинско раководство беа тема на денешната прес конференција во општина Гостивар.
„Само во работната единица Механизација, фалат ножеви за чистење на снегот, кои според сведочења на вработени ги зела фирма блиска со бившото раководство. Трактор со нож за чистење на снегот по наредба на бившиот директор е даден во механичарска работилница во Здуње. Булдожер во исправна состојба е продаден два месеци пред изборите, багер е продаден една недела пред изборите. Недостигаат возила марка Мерцедес и Хонда акорд, за кои немаме информации каде се наоѓаат, потоа фреза за сечење на асфалт која ја зел бившиот директор за која исто така немаме сознание каде е сега“, рече Миртезан Селими, портпарол на претпријатието кој посочи дека само во работната единица Механизација констатирале петнаесетина злоупотреби.
Актуелниот директор на „Комуналец“ Исак Лазами рече дека за сега не е утврдена точната штетата за претпријатието, дека внатрешната ревизија продолжува и во наредниот период, по што ќе покренат постапки пред надлежните органи.
Денешниот прес беше втор по ред од кампањата „Вистината за ДУИ“ која градоначалникот Таравари ја најави како кампања преку која ќе ги објавува незаконитостите на бившата локална власт.
Од огранокот на ДУИ во Гостивар сметаат дека ваквите прес конференции на актуелната власт се смешни и велат дека нема да се занимаваат со нив.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk