Општина Гостивар се вклучи во кампањата за помош на децата болни од рак и леукемија

Гостиварската општинска администрација на чело со градоначалникот Арбен Таравари, се вклучи во добротворната кампања „Македонија ти си сонцоцвет“, наменета за помош на децата хоспитализирани на Клиниката за онкологија во Скопје.
Финансиски средства за подобрување на условите за лекување на децата од најтешките болести, како што се ракот или леукемијата се собираат преку купување на маичка со слика на сонцоцвет, која чини 1.230 денари.
Во посета на општина Гостивар и на средба со градоначалникот, беше Албана Османи, претседателката на фондацијата „You are Sunflowеr“, што ја организира кампањата.

Таравари по средбата изјави дека ќе се заложи и бизнис секторот од Гостивар да се вклучи во оваа
хуманитарна активност со цел да се соберат што повеќе финансиски средства.