Гостивар
Општина Гостивар за бојкотот на турски во гимназијата: Бројот на паралелки го одредува Министерството
Во паралелките на турски јазик во гимназијата во Гостивар од петокот тече бојкот на наставата. Причината е незадоволство на професорите поради затворањето на една паралелка во прва година. Наместо три, како што било пракса до сега, годинава формирани се 2 паралелки. Од Секторот за образование на Општина Гостивар нагласија дека не се надлежни да одлучуваат за бројот на паралелките и дека тоа е ингеренција на ресорното Министерство. Како локална самоуправа за гимназијата барале од Министерството 3 паралелки на турски јазик, 9 на албански и 2 на македонски, но барањата не биле целосно исполнети.
„Правото на бојкот е демократско право, ние не можеме да се мешаме во таа одлука. Сепак, сакам да кажам во јавноста дека општината нема ингеренции да го одредува бројот на паралелки, тоа го прави Министерството за образование. Имаме документи дека сме доставиле барање за 3 паралелки на турски јазик, 9 на албански и 2 на македонски, но Министерството одобри 2 на турски, 7 на албански и 2 на македонски. Значи, Министерството решава колку паралелки ќе се отворат. За нас како општина, не е добро што се намалува бројката на паралелки, затоа што така се намалува и број на часови на некои професори, а се ризикуваат и работни места на наставниот кадар што нема решение. Нашиот став за бојкотот е дека професорите треба да се обратат до Министерството и таму да бараат да се отвори уште една паралелка“, рече Аслијан Снопче, раководител на Секторот за образование.
Професорите од наставата на турски јазик рекоа дека ќе одат до крај и нема да одржуваат настава се‘ додека не им се врати третата паралелка. „Имаме зголемување на бројот на ученици, а се соочуваме со намалување на паралелките. Тоа е класичен пример на етничка дискриминација“, подвлекоа тие.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk