Општина Маврово и Ростуше почнува со третман на кучиња скитници

На териоријата на Општина Маврово и Ростуше ќе се започне со третман на бездомните животни. Локалната самоуправа и Друштвото за ветеринарни дејности – Зебра Ветерина од Демир Хисар, во канцелариите на општинската зграда, потпишаа договор за заловување и стручен третман на кучиња скитници и нерегистрирани кучиња низ населените места во општината.

Со потпишување на овој договор фирмата Зебра Ветерина ќе третира кучиња скитници на територијата на Општина Маврово и Ростуше во период од 1 година од денот на потпишувањето.

Услугите ќе се извршуваат согласно Законот за заштита и благосостојба на животните, Правилникот за технички услови за прифатилиштата и другите подзаконски акти и позитивни прописи, кои ја уредуваат оваа област, а со цел спроведување на постапка која ќе овозможи хуман и соодветен третман од стручни лица.