Општина Маврово Ростуше: Да останат во самоизолација сите кои биле на преглед во Педијатриската амбуланта во Дебар

Општина Маврово и Ростуше ги повика граѓаните коишто во текот на минатата недела ја посетиле приватната Педијатриска амбуланта во Дебар, да останат во самоизолација.

„Сите оние кои биле на лекарски преглед во приватната Педијатриска амбуланта во Дебар минатата недела,
да останат во самоизолација и да ги известат своите матични доктори или Здраствениот Дом во Ростуше за нивната здраствена состојба. Воедно доколку има било каква промена во нивното здравје, да ги известат своите матични доктори или Здраствениот дом во Ростуше.“, соопштија од општината.

Министерството за здравство вчера информираше дека четири здравствени работници од Дебар, кои работеле во приватната Педијатриска амбуланта се позитивни на коронавирус.