Оскар 2017 – Ги украле статуетките, па ги фрлиле во ѓубре

Самата статуетка тежи 3,6 килограми и е висока 33 сантиметри. На изглед  можеби и делува гламурозно и скапо, но реалната вредност всушност е во разумни рамки и се движи околу 900 долари.

Интересен настан врзан со Оскарите е кражбата на статуетките во 2000 година. Американската филмска академија, пред самото доделување скоро и да немала што да им додели на добитниците. Како дошло со тоа?

На две недели пред манифестацијата, дури 55 статуетки се нашле во рацете на крадци. Кражбата се случила додека биле истоварани на пристаниште во гратчето Бел, на периферијата од Лос Анџелес. Организаторите во паника нарачале нова тура Оскари, за да не се посрамотат пред холивудскиот врв.

Сепак, 52 од статуетките биле пронајдени, и тоа во канта за отпад на еден супермаркет. Останатите три ги нема до денес. За кражбата биле обвинети две лица, вработени во фирмата која била задолжена за транспорт на пакетите со наградите.