ОСКАР 2019: Статуетки за Green book, Рами Малек, Оливија Колман…

Холивуд заокружи уште едно гламурозно ОСКАР издание. За прв пат во историјата на филмските награди, церемонијата немаше водител, но она што ја одбележа и по што ќе се памети се емотивните музички изведби на Квин, Лејди Гага и Бредли Купер.

За најдобар филм беше прогласен „Green Book“, статуетката за најдобар режисер отиде во рацете на Алфонсо Куарон за „Roma“, најдобар актер во главна машка улога е Рами Малек во „Боемска Рапсодија“, додека најдобра актерка во главна женска улога е Оливија Колман во „Миленичка“. Оскарите за споредни машка и женска улога ги добија Махершала Али („Green Book“) и Реџина Кинг („If Beale Street Could Talk“). Најдобар филм од неанглиско говорно подрачје е „Roma”.

Боемска Рапсодија зеде најмногу Оскари годинава, вкупно четири, меѓу кои и за најдобар звук. Лејди Гага го понесе Оскарот за оригинална песна за „Shallow“ од „Ѕвездата е родена“.