Оскари 2017 – Академијата може да ја откупи статуетката за 1 долар

Од првото издание на Оскарите, па до сега, во сите можни категории доделени се околу 3.100 статуетки. Само по себе, тоа и не е некој интересен податок, но впечатокот се менува ако се напомене дека најпосакуваната награда, често завршува на црните пазари и на аукции. Според правилата на договорите што ги потпишуваат добитниците и Академијата, наградените имаат обврска статуетката да ја остават во наследство во семејството или да ја подарат на непрофитна организација. Ако решат да ја продаваат, тогаш мора прво прво да ја понудат на Академијата и тоа за симболична цена од само еден долар. И покрај ова правило и договор, Оскарите се појавуваат на различни пазари и аукции. Така во 1993 година аукциската куќа ја продала статуетката на Вивиен Ли за филмот “Одвеано со виорот” . Ја купил колекционер за 563.500 долари.

Американската филмска академија се труди да ја следи судбината на “Оскарите”  со тоа што на секоја статуетка поставува сериски број.

Меѓу купувачите на статуетки познати се: режисерот Стивен Спилберг како  и кралот на поп музиката, Мајкл Џексон кој во 1991 си купил “Оскар” за 1,5 милиони долари. По неговата смрт, трагата на статуетката се губи.