Оскари 2017 – Ја добила статуетката на 10 години

Нема сомнение дека секој холивудски актер сонува да се закити со Оскар, во текот на својата кариера. Меѓу добитниците на оваа посакувана филмската награда има актери од различна возраст. Некои успеале да ги освојат симпатиите на Академијата порано, некои подоцна. Како најмлад добитник на Оскар се запишува актерката Тејтум О`Нил, која денес има 54 години. Но, наградата ја добила на 10 годишна возраст, за одиграниот лик на малата Ади во филмот „Месечина од хартија“ во кој глумела заедно со својот татко, познатиот Рајан О`Нил.

Канаѓанецот Кристофер Пламер, пак го држи рекордот за најстар актер што добил Оскар и тоа на 82 годишна возраст. Пламер бил прогласен за најдобар актер за улогата во филмот „Почетници“.

***

Колку и да ви звучи неверојатно, вистинито е: на Оскарите може да има и нерешен резултат, односно номинираните да освојат по ист број на бодови од Академијата. Така во 1932 година, наградата за најдобар машки актер ја поделиле Фредик Марч и Валас Бери. Документарните филмови во два наврати делеле Оскар и тоа 1950 и во 1987 година. Најпознат ваков случај се смета оној од манифестацијата во 1969, кога Кетрин Хепберн и Барбара Стрејсенд добиле ист број на гласови во категоријата најдобра женска улога.