Оскари 2017 – Ќе им треба ли чадор на филмските ѕвезди?

Осумдесет и деветтото издание на Оскарите започнува за неколку часа, но дождливото време во Лос Анџелес, може да им го расипе расположението и фризурите на филмските ѕвезди. Колку Холивуд е подготвен за врнежливи Оскари? Дали ќе врне или не, за самото доделување внатре во Долби театарот и не е така важно, но за прошетката на актерите по црвениот тепих значи многу. Последен пат дожд на Оскарите имаше во пред две години.

Инаку, вечерашните престижни награди ќе се доделуваат на сцена декорирана со 300.000 сваровски кристали.

Што се однесува до номинираните филмски остварувања, предводи мјузиклот „Ла, ла ленд“ со вкупно 14 номинации. Филмовите „Месечева светлина“ и „Пристигнување“, освоија осум номинации.