Основци од Гостивар и Врапчиште на фудбалски турнир

Децата го сакаат спортот, а тоа се докажа и на денешниот турнир во мал фудбал што се одржа во спортската сала на основното училиште „Фаик Коница“ во гостиварско  Дебрешe. На овој меѓуучилиштен натпревар учествуваа екипи составени од шесто и седмоодделенци од основни училишта од подрачјето на општините Гостивар и Врапчиште.

Првото место го освои екипата на гостиварското основно училиште „Исмаил Ќемали“. Второпласирана беше екипата на ”Мехмет Дерала” од селото Градец, додека третото место им припадна на младите фудбалери од ”Мустафа Ќемал Ататурк” Гостивар.

Турнирот беше организиран во соработка помеѓу Општина Гостивар и Македонската федерација за училишен спорт.