Основци во сообраќајна патрола заедно со гостиварската полиција

Полициски службеници на Отсекот за превенција во координација со Полициско одделение Галате, спроведоа заедничка активност „Сообраќајна патрола“ со учениците во третто и четвртто одделение од Основното училиште „Фаик Коница“ од гостиварско Дебреше. Активноста се организираше на регионалниот пат Гостивар-Врапчиште, во близина на гостиварско Зубовце, а се реализира на барање од ова училиште според предвидената годишна Програма за работа.

Во рамките на оваа активност на учениците практично им беше покажано како професионално и безбедно се спроведува контрола на возила, кои документи треба да ги поседуваат возачите, на што посебно треба да внимаваат доколку во иднина ја изберат полициската професија.

Цел на активноста е подигнување на сообраќајната свест и култура на учениците, информираа од СВР Тетово. Претходно со цел успешно и ефикасно организирање полициски службеници од Отсекот за превенција остварија средба со раководството на Основното училиште „Фаик Коница“, на која беа договорени сите практични поединости.