Освен средните во Гостивар и Тетово, онлајн почнуваат и школите во Кичево и Струга

Владата на синоќешната седница го прифати предлогот на Комисијата за заразни болести за онлајн организирање на наставата во средните училишта во Тетово и Гостивар во траење од 14 дена од почетокот на учебната година, и онлајн настава во првите 7 дена во Кичево и Струга, заради ситуацијата со вирусот во овие општини. Како што соопштија од владината прес служба, откако ќе заврши определениот период, ќе се донесе нова одлука согласно развојот на ситуацијата.

На седница е дополнет и протоколот за бројот на децата по групи во градинките, со што се зголеми бројот на деца од 21 на 25 деца и тоа само во големите групи, а не и за групите од 0 до 2 години.