Откриени две обложувалници на црно во Чегране и Добридол

Полициски службеници на Секторот за внатрешни работи Тетово-Полициска станица Гостивар, вчера во периодот помеѓу 21 и 23 часот, извршена е контрола во спортска обложувалница без фирма во гостиварското село Чегране, чиј одговорен бил 47-годишниот чегранец, а во која се приредувале игри на среќа и други забавни игри.

Во објектот, поради сомнение дека нелегално работи, без потребните документи, полицијата пронашка и времено одзела: 3 телевизори, 2 компјутери, 2 монитори, исто толку тастатури, 1 читач, 1 печатач, 4 тикети и 1 билтен. Се работи на расветлување на сите поединости околу работењето на обложувалницата, по што ќе следува соодветен поднесок.

Во координирана пoлициска акција Секторот за внатрешни работи Тетово-Полициска станица Гостивар, вчеравечер околу 21 часот, во деловен објект без фирма во гостиварското село Добридол, извршена е контрола во која бил затекнат 22-годишник од истото село, при што било утврдено дека во објектот нелегално се приредуваат игри на среќа и комар.

Поради тоа, со потврда времено се одземени: 4 телевизори, 2 компјутерски куќишта, 2 монитори, 2 печатачи, 1 читач, 2 тастатури, 1 далечински управувач, 7 билтени и 4 тикети. По целосното расчистување на случајот, против сопственикот на обложувалницата во Добридол ќе биде изготвен поднесок, соопштува СВР.