Гостивар
Отворен ден: Граѓаните му ги кажаа своите барања и проблеми на Таравари
Во Општина Гостивар денес беше организиран Отворен ден со граѓаните. Градоначалникот Арбен Таравари, заедно со раководителите на општинските сектори и директорите на јавните претпријатија, беа на располагање на гостиварци, кои дојдоа да ги искажат своите барања и проблеми со кои се соочуваат, а се во надлежност на локалната власт.
Граѓаните се обраќаа за различни потреби, но најголемиот дел се однесуваа на некои препреки во областа на урбанизмот.
„Јас имам средби со граѓаните секој вторник, но овојпат решивме тоа да го организираме на поинаков начин, како Отворен ден и овде да бидат сите раководители на секторите. Граѓаните ни објаснуваат што им е маката, а ние се обидуваме веднаш да реагираме и да го решиме нивното прашање. Ако не е можно веднаш, тогаш земаме контакти и работиме тоа да биде што побрзо, па да ги известиме. Со ова им даваме до знаење на граѓаните дека сме отворени за нив, да ги сослушаме нивните проблеми и дека сме транспарентни за нашата работа. Би им предложил на сите градоначалници да бидат со и до народот и да го сослушаат. Така се гради довербата. Таа бариера од предрасуди или претпоставки што ги има граѓанинот за вас како градоначалник, паѓа кога ќе седнете да разговарате еден наспроти друг“, изјави Таравари.
Денешниот Отворен ден во општината го искористија голем број граѓани, а градоначалникот најави дека вакви активности ќе организираат по два до три пати месечно.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk