Отворен оглас за заловување и третман на кучиња скитници во Гостивар

Општина Гостивар објави нов тендер за заловување и стручен третман на бездомни и нерегистрирани кучиња на нејзина територија. Огласот, кој е отворен пред неколку дена опфаќа и одржување на стационарот за заловените животни.

Според описот во тендерската документација, се бара оператор што ќе ги фаќа кучињата скитници, ќе врши вакцинација, тестирање на болест Лајшманија, стерилизација, чипирање и транспорт, како и ќе обезбеди храна за животните.

Како што е наведено во јавниот оглас, ќе биде избран операторот кој ќе понуди најниска цена за услугите. Тендерот е отворен до средината на месецов и се однесува на период од една година.