Гостивар
Отворена модуларната болница во Гостивар, дополнителни 35 кревети за пациенти со ковид
Новата модуларна болница во Гостивар е подготвена за прием на пациенти со ковид. Објектот денес официјално беше отворен, но за сега нема потреба да се активира, со оглед на моменталната стабилна корона состојба во гостиварскиот регион. На отворањето на ковид центарот, кој е со капацитет од 35 кревети, присуствуваше министерот за здравство Венко Филипче.
„Се става во функција модуларната болница во Гостивар, мини инфективна клиника за третман на пациенти со ковид. Болницата е целосно е опремена со немедицинска опрема, а треба да стигне и најсовремениот дигитален рентген апарат и ехо апарат со сите потребни сонди што ќе го направи овој мини центар соодветен за третман на сите форми на пациенти со ковид. Секако во иднина, во други услови да служи како тријажен или ургентен центар“, изјави Филипче.
Директорот на болницата, Јакуп Јакупи истакна центарот бил изграден во предвидениот рок и дека се целосно подговени да одговорат на потребите на пациентите.
„За краток период од околу 60 дена болницата беше подигната и може да се користи. Остана уште последниот дел од проектот, да пристигнат рентген и ехо апаратот. Во болницата ќе се хоспитализираат пациенти со ковид, секако доколку има потреба од тоа, ако дојде до зголемување на бројките. Ние сме подготвени да одговориме на потребите“, рече Јакупи.
Во модуларната болници, првично за пациентите ќе се грижи медицинскиот персонал од инфективното одделение. Како помош ќе бидат вклучени и други лекари и медицински сестри, по систем на ротација.
Модуларниот ковид центар е изграден на местото на поранешниот објект на дијализа, веднаш спроти инфективното одделение. Објектот е еден од 16-те вакви, кои државата ги подигнува како дополнителни капацитети за згрижување на пациенти заболени од ковид со финансии обезбедени со кредит од Светска банка.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар