Култура
Отворена нова уметничка галерија во Гостивар
Мал рај за љубителите на уметноста – ова е првиот впечаток што ќе го добиете кога ќе влезете во новоотворената галерија „Стил“ на гостиварската сликарка Дана Крстеска. Ќе ве пречекаат пријатна, топла атмосфера и уметнички дела вредни за восхит. Неизбежно е да се каже дека со оваа галерија, Гостивар доби простор кој му недостигаше, кој зрачи со позитивна енергија и пружа одмор за душата на оние кои ја почитуваат уметноста.
„Галеријата не е обична продавница, туку место за духовно издигнување. Ја отворивме водени токму од таа идеја и од фактот што сакавме да ги направиме уметничките дела подостапни за љубителите на уметноста и за сите граѓани. Некои бараат слики за себе, за разубавување на својот дом, други за деловниот простор, трети за уникатен подарок. Сметам дека со нашата понуда можеме да ги задоволиме сите вкусови“, вели Крстеска, која е посветена на сликарство над две децении.
Во галеријата се изложени бројни дела создадени од нејзината рака, со различни мотиви: мртва природа, коњи – препознатливи за творештвото на Дана, женско тело и други. Најголемиот дел се работени во техника масло на платно, но присутни се и пастел, акварел и др.
Освен сликите на Крстеска, во „Стил“ може да се најдат и дела од нејзиниот син Дејан, со кого заедно ќе го менаџираат просторот. „Како што може да се види располагаме со богата и разновидна понуда на слики, но сепак доколку некој бара нешто специфично, подготвени сме да работиме и по нарачка. Вршиме и реставрација на стари слики, како и изработка на икони, што е многу барано последниот период“, вели Дејан.
Галеријата се наоѓа на ул„Илинденска“ до ресторан Амброзија.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник