ОУ „Мустафа Кемал Ататурк“ во Гостивар го одбележа Денот на здрава храна

По повод Меѓународниот ден на здравата храна, во централното гостиварско основно училиште “Мустафа Кемал Ататурк” и во подрачните училишта во Долна Бањица, Горна Бањица и во Здуње вчера се организираше “Пазар на здрава храна”.

Во училишниот хол на посебни штандови по одделение, учениците од I-V на сите три јазица, заеднички изложија домашни производи на здрава храна, подготвени од децата и нивните родители.

„Посебно можеше да се забележи ангажираноста на родителите, во вложениот труд, сите производи да бидат убаво и декоративно спакувани. Производите се продаваа по симболична цена, а на радоста на децата и немаше крај.“, рекоа од училиштето.

Целта на овој „Пазар на здрава храна“ беше да се сврти вниманието на децата кон здравата храна и нејзината улога во здравјето воопшто.