Ова е чајот што ви треба! Смирува стомачни тегоби, дава сила на организмот…

Ѓумбирот е зачин кој во последните неколку години го добива своето заслужено, истакнато место во западната кујна, додека во Азија ова растение е еден од најважните зачини кој на јадењата и на пијалоците им дава карактеристичен, ароматичен, лут специфичен вкус.

Во источната медицина, ѓумбирот со векови се користи за намалување на симптомите на гастроинтестинални потешкотии, најчесто за намалување на гасовите и грчевите во цревниот тракт, а западната медицина ги препознала неговите антиоксидантни својства и способноста позитивно да влијае на намалувањето на воспалителните процеси во телото.

Чајот од ѓумбир најчесто се препорачува како брзо и ефикасно решение за стомачни болки или за ублажување на варењето. Сепак, студиите потврдуваат дека ефектот на чајот од ѓумбир значително го надминува намалувањето на чувството на гадење и оди дотаму што ја забрзува потрошувачката на масното ткиво, ги намалува воспалителните процеси во телото, па дури и го контролира шеќерот во крвта и го намалува покаченото ниво на холестерол. А некои од придобивките од консумирање чај од ѓумбир се:

Го смирува стомакот

Ѓумбирот се користи како природен лек за мачнини, мачнини во движење и утрински мачнини. Се препорачува за трудници со утрински мачнини, но потврдено е дека помага и за мачнини предизвикани од хемотерапија.

Го подобрува имунитетот

Чајот од ѓумбир е одличен за зајакнување на имунитетот, па затоа се препорачува кога чувствувате слабост или кога имате симптоми на настинка, грип, но и на разни алергии или инфекции.

Коренот од ѓумбир има антибактериски, антигабични и антивирусни својства и е докажан ефикасен сојузник во борбата против инфекции на респираторниот тракт, габични инфекции и болести на непцата.

Го штити здравјето на мозокот

Со оглед на тоа што има способност да ги намалува воспалителните процеси, ѓумбирот е заслужен и за позитивните ефекти за забавување на невродегенеративните болести како што се Алцхајмеровата или Паркинсоновата болест.

Ја ублажува болката

Луѓето кои страдаат од хронични болки во зглобовите или мускулите забележуваат подобрување на нивната состојба доколку во секојдневната рутина вклучат шолја чај од ѓумбир. Имено, ѓумбирот го намалува воспалението, но ги ублажува и болките во мускулите и зглобовите, а ги ублажува и менструалните болки и грчеви.

Олеснува губење на тежината

Доколку сакате да изгубите неколку килограми, започнете го денот со чај од ѓумбир. Во голема анализа на студии за влијанието на ѓумбирот врз слабеењето беше потврдено дека ѓумбирот може да придонесе за губење на тежината преку забрзување на топењето на масното ткиво, намалување на апетитот и намалување на апсорпцијата на мастите во исхраната.

Го поддржува дигестивниот систем

Ѓумбирот долго време се користи за подобрување на дигестивниот систем, а студиите ги потврдуваат неговите позитивни ефекти во случаи на варење и чир на желудникот.

Го регулира нивото на шеќер во крвта

Ѓумбирот може да придонесе за регулирање на нормалното ниво на шеќер во крвта, потврдија студиите, а исто така е заслужен за подобрување на отпорноста на инсулин кај луѓето кои веќе страдаат од дијабетес.

Го одржува нивото на холестерол

Високиот холестерол може да се акумулира во крвта, да ги запуши крвните садови и да го зголеми ризикот од срцеви заболувања. Некои студии потврдуваат дека ѓумбирот може да го намали нивото на холестерол и со тоа да го заштити здравјето на вашето срце.

Како да направите чај од ѓумбир?

Иако може да се купи чај од ѓумбир, секогаш е подобро да направите чај од свежите корени на ова растение бидејќи ефектот ќе биде подобар, а вкусот на чајот ќе биде посилен и поинтензивен.

Земете свеж корен од ѓумбир, исечете околу 5 сантиметри од коренот, излупете го и исечете го на тенки парчиња. Додадете го ѓумбирот во тенџерето со зовриена вода и варете 10-30 минути. Колку подолго готвите, толку поинтензивна ќе биде аромата и посилен чајот. Кога чајот ќе се свари, процедете го, додадете лимон и мед по желба.

Овој чај можете да го пиете ладен или топол, како што сакате. Секојдневно уживајте во вашата шолја од овој висококвалитетен чај, кој ќе придонесе за вашето здравје на повеќе нивоа.