Ова е најубавиот и најпознатиот цветен парк во светот

Keukenhof, најубавиот и најпознатиот цветен парк во светот несомнено го одзема здивот. Сместен е на брегот на гратчето Ласе, во Холандија, меѓу Амстердам и Хаг на површина од повеќе од 32 хектари. Верувале или не, секоја година во оваа ботаничка оаза се садат околу 7 милиони цветови.

Се нарекува и Дворот на Европа, а почетоците на оваа убава приказна датираат од 1949 година, кога тогашниот градоначалник на градот покренал иницијатива да се направи изложба на цвеќиња, на која одгледувачите од цела Холандија ќе можат да ги покажат своите хибридни дела и да и помогнат на холандската индустрија, ако се знае фактот дека оваа земја е и најголем извозник на цвеќиња во светот.

Во овој цветен рај се садат лалиња, зумбули, ружи, нарциси…Има уникатни декорации и атрактивни креации, фонтани, водопади…Секоја година паркот се уредува тематски, а за посетители е отворен од крајот на март до мај месец.

фото:facebook/visitkeukenhof