Ова е овцата тексел, таа е продадена за 490.000 долари

Овцата, наречена Double Diamond, предизвика вистински метеж на аукцијата на тексел овци во шкотскиот град Ланарк, пишува CNN.

Шестмесечното тексел јагне, се продаде за сума од 490.000 долари, што е убедливо најголема сума некогаш платена за овца.

Првично беа понудени околу 13 илјади долари, за кога почна наддавањето три фарми одлучија да се договорат и да го поделат вредното јагне меѓу себе. Кога пишуваме поделат, не се мисли на физичка делба на јагнето, туку сите три фарми да го искористат за размножување и зачувување на генетиката на овој вид овци.

„Тоа е како и секоја друга работа – трка со коњи или бизнис со говеда. Вчера се појави многу посебна тексел овца и ведаш сите сакаа да ја имаат“, изјави Џеф Ајкен, еден од новите сопственици на овцата.

Тексел овците потекнуваат од истоимениот мал остров покрај брегот на Холандија и редовно постигнуваат петцифрена цена, но Double Diamond го сруши претходниот рекорд поставен во 2009 година, кога овца беше продадена за нешто повеќе од 307.000 американски долари.