Оваа работна седмица студено време со снежни врнежи

Денеска е понеделник, 23 декември 2024 година, 358-иот ден во годината. До крајот на годината остануваат 8 дена. Сонцето во Гостивар изгреа во 7 часот и 02 минути, а ќе зајде во 16 часот и 9 минути. Денов трае 9 часа и 7 минути.

Според метеоролошката прогноза, времето денеска ќе биде облачно и студено со врнежи од дожд и снег на пониските места, а на планините и повисоките места од снег.

Врнежите ќе бидат пообилни во западните и крајните источни делови каде на планините ќе се зголеми постојната снежната покривка, а помала снежна покривка ќе се формира и во некои од пониските места.

Ќе дува умерен до засилен јужен, а во текот на ноќта северен ветер. Температурата во гостиварскиот регион ќе биде во интервал од -2 до 3 степени.

Утре (вторник) се очекуваат снежни врнежи, во среда дожд и снег, додека во четврток само снег. Ќе владее променливо облачно, студено и ветровито време со умерен, наместа засилен северен ветер до над 60км/ч. Максималната дневна температура ќе се движи околу 4 степени.