Овој тип на јогурт е супер извор на протеини и корисен за коските

Грчкиот јогурт не само што е хранлив, туку истражувањата покажуваат дека редовното консумирање на оваа храна може да има повеќекратни здравствени придобивки.

Грчкиот јогурт е традиционален, а сега сè попопуларен млечен производ кој најмногу се консумира во Грција и Турција, а оттаму се рашири низ целиот свет. Има погуста текстура од обичниот јогурт и поостар вкус и обезбедува голем број есенцијални хранливи материи, вклучувајќи витамин Б12, калциум и витамин А, а има повеќе протеини и помалку јаглени хидрати од обичниот јогурт.

Грчкиот јогурт е добар извор на протеини и други есенцијални хранливи материи

Не само што грчкиот јогурт е хранлив, туку истражувањата покажуваат дека редовното консумирање на оваа храна може да обезбеди здравствени придобивки на повеќе начини. Oд брзо заситување до зајакнување на нашите коски. Грчкиот јогурт има многу повеќе протеини од обичниот јогурт. Всушност, тој обезбедува двојно повеќе од количеството на протеини кои се наоѓаат во обичниот јогурт.

Протеините се есенцијални за здравјето бидејќи аминокиселините, кои често се нарекуваат „градежни блокови“ на протеините, се потребни за синтеза на хормони и невротрансмитери, имунолошка функција и многу други витални процеси. Исхраната богата со протеини е поврзана со бројни здравствени придобивки, вклучувајќи контрола на тежината, подобрена густина на коските и подобра регулација на шеќерот во крвта.

Богат е со здрави масти, витамини и минерали

Покрај протеините, грчкиот јогурт е богат со здрави масти, витамини и минерали. На пример, порција од 200 грама грчки јогурт покрива повеќе од 40 проценти од нашите потреби за витамин Б12, хранлива материја неопходна за невролошките функции, како и потребата од селен, минерал неопходен за здравјето на тироидната жлезда, кој има моќни антиоксидантни својства. Исто така е добар извор на калциум, цинк и неколку други витамини и минерали.

Грчкиот јогурт го промовира здравјето на коските и растот на мускулите

Нашиот скелетен систем зависи од постојаното внесување на хранливи материи за да ја одржи својата сила и густина. Грчкиот јогурт обезбедува протеини, калциум, магнезиум и фосфор, кои играат важна улога во одржувањето на здравјето на вашите коски. Истражувањата покажаа дека консумирањето грчки јогурт може да помогне во одржувањето на минералната густина на коските и да го намали ризикот од остеопороза и фрактури кај постарите лица.

Конзумирањето грчки јогурт може да помогне за заздравување, односно раст на нови коски и намалување на распаѓањето на коските кај помладите.

Помага за градење и обновување на мускулите

Покрај тоа што го поддржуваат здравјето на коските, протеинот е важен за раст на мускулите и за обновување на мускулите после тренинг. По интензивен тренинг, стапката на синтеза на мускулни протеини се зголемува за неколку часа, така што конзумирањето на протеини после тренинг му помага на телото да ги снабдува протеините што му се потребни за градење и обновување на мускулите.

Истражувањата покажуваат дека храната богата со протеини, како што е грчкиот јогурт, може да помогне во подобрувањето на мускулниот раст и силата за време на тренингот, поради што грчкиот јогурт често се користи како храна за закрепнување после тренинг. Дури и кај не-спортистите, редовното консумирање на храна богата со протеини е од суштинско значење за одржување на здрав состав на телото и поддршка на растот и силата на мускулите.

Грчкиот јогурт не одржува сити и одржува здрава телесна тежина

Вклучувањето на храна богата со протеини во вашата исхрана е еден од најдобрите начини за одржување на ситост и здрава телесна тежина. Тоа е затоа што протеинот е најзаситниот макронутриент, што значи дека храната богата со протеини, како што е грчкиот јогурт, може да ви помогне да се чувствувате сити после јадење, што може да помогне во регулирањето на внесот на калории.