Здравје и убавина
Овошје борец против хроничен замор и исцрпеност
Ако сакате да направите нешто добро за вашето здравје, тогаш вметнете ја рибизлата во исхраната. Без оглед дали се работи за црвена или црна, многу е здрава и важи за вистински освежувач на целиот организам. Црвената рибизла е покисела и обично се јаде свежа, додека црната почесто се користи за сокови, компоти, џем и слично.
Ќе ви биде одличен сојузник за зајакнување на имунитетот, со оглед дека содржи многу витамин Ц, во 100 грама има дури 40-45 мг. витамини, што е скоро 60% од дневните потреби. Го подобрува апетитот, па затоа се препорачува на лица кои имаат недостаток на апетит. Воедно, позитивно делува и врз системот за варење на храната и го поттикнува метаболизмот.
Листата на корист од ова овошје е навистина долга: делотворно е против ревматски болки, ја прочистува и зајакнува крвта, а може да одигра важна улога и во прочистување на црниот дроб од токсини. Калиумот и витаминот П, што ги содржи го регулираат нивото на холестерол во крвта, важни се за елиминација на слободни радикали, спречување атеросклероза и кардиоваскуларни заболувања.
Рибизлите даваат енергија и се овојше борец против хроничниот замор и исцрпеност, состојби со кои секојдневно се борат голем број луѓе во модерното доба.
Чај од рибизла:
Во 200 мл. врела вода ставете неколку листови од рибизла, оставете да отстои 15 минути, процедете го и конзумирајте со мед и лимон.
Сок од рибизла:
1 кг. рибизли
1 литро вода
1 кг. шеќер
1 лимонтус
Исчистените рибизли изгмечете ги добро за да добиете што повеќе сок од нив, па додадете ја водата и лимонтус. Оставете да отстои на ладно место еден ден и промешувајте неколку пати.
Процедете го сокот низ газа, додадете го шеќерот, добро промешајте и повторно оставете да отстои на ладно место 1 до 2 дена. За тоа време често мешајте за да се растопи шеќерот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар