ОВР Гостивар лиши од слобода 3 лица поради кокаин

Вчеравечер (2 септември) околу 22.15 часот, полициски службеници на Одделението за внатрешни работи Гостивар ги лишиле од слобода А.Б. , С.Ф. и А.И. на возраст од 31 до 33 години поради постоење основи на сомнение за сторено кривично дело „неовластено производство и пуштање во промет на наркотични дроги, психоптропни супстанци и прекурсори“.

Полицијата соопшти дека претходно, од возило во кое се превезувале, во близина на наплатната станица Гостивар, фрлиле кесе со кокаин, кое било пронајдено. По документирање на случајот ќе следуваат соодветни поднесоци.