ОВР Гостивар уапси 31-годишник поради повеќе кражби, меѓу кои и кражба на „ауди“

СВР Tетово информира дека вчеравечер (20 октомври) околу 23 часот и 30 минути, полициски службеници на Одделението за внатрешни работи Гостивар го лишиле од слобода 31-годишниот Ф.И. од гостиварско село, поради сомнение дека е извршител на повеќе кражби и тешки кражби на подрачјето, меѓу кои и вчерапријавената кражба на патничко моторно возило „Ауди А3“ со гостиварски регистарски ознаки, сопственост на гостиварецот К.П.(26), а кое било паркирано на улица „Гоце Делчев“ во Гостивар.

„Подоцна, возилото било пронајдено на улица „Никола Парапунов“ во Гостивар, додека кај Ф.И. пронајдени и одземени се повеќе предмети кои се наоѓале во возилото. Лицето е задржано во Полициската станица Гостивар и се расчистува и документира случајот, по што против него ќе биде изготвен соодветен поднесок.“, извести полицијата.