ОВР Гостивар уапси момче и девојка за серија кражби низ куќи на печалбари

Вчеравечер (22 март) околу 22 часот и 30 минути, во Неготино Полошко, полициски службеници на СВР Тетово – Одделение за внатрешни работи Гостивар ги лишиле од слобода 20-годишниот Б.Д. и 22-годишната К.Д, двајцата од Република Албанија, кои времено престојувале во куќа на жител од ова гостиварско село, поради сомнение дека минатата и оваа година извршиле десетина тешки кражби во поширокиот регион на Врапчиште. Парот „оперирал“ во куќи на печалбари.

При претресот реализиран од 22 до 23 часот, со судска наредба, во просториите во кои престојувале албанските државјани, биле пронајдени и со потврда одземени 42 разновидни предмети за кои постои сомнение дека потекнуваат од кражбите. Во пленот имало: часовници, накит, техничка стока и друго.

Двајцата албански државјани се задржани во Полициската станица Гостивар. Се расчистува и документира случајот и против нив ќе им биде изготвен соодветен поднесок со кој ќе бидат изведени пред судија во претходна постапка на Основниот суд Гостивар