Пад на температурите во деновите од новата работна недела

За разлика од изминатите денови, кога владееше натпросечно топло време, новата работна недела носи заладување.

Денес, понеделник, Сонцето изгреа во 6 и 12 часот, а ќе зајде во 17 и 26 ч. Времето претпладне ќе биде сончево и свежо, а попладне со мала до умерена облачност. Ќе дува умерен, до засилен северен ветер. Утрово беше измерена минимална температура од -2 степени, додека максималната дневна ќе достигне 10 степени.

Слични временски услови се очекуваат и за вторник. Во среда и четврток ќе биде сончево и ведро со максимални дневни температури до 15 степени. Во петок се очекува да настапи наоблачување.