Гостивар
Пад на вработувањата во Гостивар, 2020-та година со над 700 помалку од претходната
Официјалните статистики потврдуваат дека ковид пандемијата негативно се одразила врз состојбите со невработеноста на гостиварското подрачје. Минатата година се бележи намалување на вработувањата, а пораст на бројката на невработени граѓани.
Според податоците од Агенцијата за вработување, во 2020-та година биле остварени 2.660 работни односи, што е за 725 помалку споредено со претходната година. Од вкупниор број вработувања лани, 1.812 биле на неопределено време, а останатите на определено и сезонски. Во првиот месец од оваа година, засновани се 170 работни односи.
Регионот на Гостивар, кој освен гостиварската ги опфаќа и општините Врапчиште и Маврово Ростуше, 2020-та ја заокружи со над 11.100 невработени лица. Споредено со претходната година, бројката е речиси дуплирана. Минатата година се бележеше постојан пораст на бројката на граѓани кои се најдоа на листата на невработени. Дел од нив се пријавуваа во евиденцијата и за да остварат право на користење на државните мерки за помош.
Што се однесува до спроведувањето на активните мерки за вработување, во гостиварскиот Центар за вработување немало застои и преку овие мерки работа обезбедиле околу 350 невработени граѓани. Станува збор за мерките: субвенционирање на плати, поддршка на мали и средни претпријатија и практиканство.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk