Падна „Месинџер“ корисниците не можат да испраќаат и добиваат пораки

Милиони корисници на Фејсбук, односно на апликацијата „Месинџер“ привремено не се во можност да ја користат услугата, проблеми се пријавени низ целиот свет.

Повеќето од нив се пожалија дека не е можно да се испраќаат и примаат пораки, но и дека не можат да се поврзат со серверот и да се најават на нивните сметки. Падот на „Месинџер“ е забележан и во Македонија.

Корисници во Велика Британија, Франција и Белгија исто така имаа проблеми, а најголемиот проблем пријавија корисниците во Полска.

Досега од компанијата Фејсбук нема одговор. Во последните 24 часа пријавени се проблеми со испраќање пораки и на Инстаграм.