Паѓа бројот на грипозни, до сега потврдени 7 заразени со ковид и грип истовремено

Во периодот од 17 до 23 јануари во Македонија пријавени се 346 случаи на грип, што е  намалување од 26,4% во споредба со претходната недела, стои во извештајот на Институтот за јавно здравје.

Во однос на возраста, 200 лица се на возраст од 15-64 години, 57 деца од 0-4 години, 45 се деца на возраст од 5-14 години и 44 лица на возраст над 65 години. Заболените се пријавени од 14 ЦЈЗ/ПЕ, во Охрид – 79, во Дебар – 46, во Прилеп и Скопје – по 31, во Штип – 28, а во останатите ЦЈЗ/ПЕ, бројот на пријавени е помал од 25.

Вкупниот број на случаи на грип/ заболувања слични на грипсезонава изнесува 2.999. Во споредба со истиот период од минатата сезона, бројот е зголемен за 6,5 пати, а во однос на моделот од последните 10 сезони се регистрира намалување од 37,3%.

До сега се потврдени 7 инфекции со грип и ковид истовремено.