Пајак службата и полицијата секојдневно низ улиците, во Гостивар вчера подигнати 12 возила

Полицијата на подрачје на СВР Тетово и во текот на вчерашниот ден (23 април) продолжи со засилена контрола на возила и возачи. При контролата биле откриени и санкционирани вкупно 45 возачи (ТЕ-32 и ГВ-13) за погрешно и непрописно паркирање, од кои 35 (ТЕ-23 и ГВ-12) биле подигнати со специјално возило пајак. Биле санкционирани и 83 други видови сообраќајни прекршоци (ТЕ-51 и ГВ-32).

И претходните денови на подрачјето беа казнети возачи за погрешно паркирање, а по 10 до 20 возила беа подигнувани со пајак.

Секторот за внатрешни работи Тетово апелира до учесниците во сообраќајот да ги почитуваат сообраќајните правила и прописи, да ја прилагодат брзината според условите на патот, односно да ја прилагодат според ограничувањата пропишани со закон и сообраќајни знаци, да ги паркираат нивните возила само на места наменети за тоа и на тој начин најнепосредно да придонесат за нормален и проточен сообраќај, и за личната безбедност и безбедноста на другите учесници во сообраќајот.