Пари за фолклористи и спортски клуб од буџетот на Општина Гостивар

За поддршка на активности на културно уметничкото друштво „Јахи Хасани“ од Чегране и градскиот ракометен клуб Гостивар ќе бидат изводени финансиски средства од општинскиот буџет. Одлуките беа изгласани од Советот на Општина Гостивар, на седницата што се одржа во саботата (6 јули).

Градскиот ракометен клуб ќе добие 100 илјади денари, а парите ќе се обезбедат од   Програмата за спорт и рекреација како трансфер за спортски клубови.

За КУД „Јахи Хасани“ е одобрена сума од 300 илјади денари. Како што беше речено во образложението, средствата се доделуваат за покривање на трошоци за гостување на ова културно-уметничкото друштво во Турција.