Парични награди за ученици и ментори кои освоиле први места на државни натпревари

Основци и нивните ментори кои биле најдобри на државен натпревар имаат можност да добијат парична награда од Министерството за образование и наука. Наградата, како што информираат од МОН се доделува согласно Законот за основното образование за освоено прво место на натпревар на државно ниво организиран од акредитирано здружение на наставници.

За да ја искористат наградата, учениците, заедно со наставниците кои ги подготвувале за натпреварот, треба да достават посебна пријава и соодветна документација која детално е наведена на веб страната на Министерството за образование.

Барањата за исплата на парична награда се доставуваат до Министерството најдоцна до 31 декември во тековната година кога е организаран натпреварот.