Занимливости
Париз: Не можат во ресторан, ама „шефот“ може да дојде дома и да готви за само 170 евра по лице
Парижаните копнеат за квалитетни оброци, откако пандемијата на коронавирус ги затвори рестораните, најдоа алтернатива – приватни готвачи подготвуват и служат храна во нивните домови.
Фатиха Ел-Кадуи, професионална готвачка која работи приватно, преку резервации, ги носи своите состојки во домовите на клиентите и ја користи нивната кујна за да подготвува и да им служи ресторански јадења, пренесува Ројтерс.
Беше зафатена и пред пандемијата, но сега, како што вели, мора да одбие околу 30 резервации месечно.
„Има многу голема побарувачка, бидејќи овие луѓе одеа во ресторани дури и повеќе од три пати неделно.
Ресторани и готвачи ширум светот смислија креативни начини да продолжат да работат за време на пандемијата што ја уништи нивната индустрија. Некои прават високо квалитетни оброци за достава, додека други нудат часови за готвење на социјалните мрежи.
Според Организацијата за економска соработка и развој, Французите поминуваат повеќе време од која било друга развиена земја, јадејќи и пиејќи, па затворањето на рестораните особено ги погодува. Поединци дури и се оглушиле од ограничувања поради коронавирусот. Минатиот месец полицијата фати повеќе од 110 лица како јадат во таен ресторан во Париз.
Ел-Кадуи вели дека постапува во согласност со правилата, не прифаќајќи да работи на места каде има повеќе од шест лица и не работела по 19 часот, за време на полицискиот час.
Сепак, нејзината услуга не е достапна баш за секој парижанец – ручекот подготвен од Ел-Кадуи во домот на клиентот, чини 170 евра по лице.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар