Париз: Провалил во ресторан и крадел вино – штета 600 илјади евра

Најмалку 150 шишиња на скапи вина во вредност од 400.000 до 600.000 евра биле украдени од ресторан во Париз, објави РТЛ денес.

Во понеделникот крадец влегол во винарската визба на ресторанот Maison Rostang кој се наоѓа во близина на Триумфалната капија, провалникот ископал дупка со дијаметар од околу 50 сантиметри за да стигне до визбата. Во винарската визба на ресторанот во тек биле градежни работи, што дополнително се олеснил пристапот до вината. Крадецот низ истата дупка успеал да извади најмалку 150 шишиња вино и шампањ вклучувајќи ги и Романе Конти и Петрис, кои се сметаат за едни од најскапите вина на светот. Полицијата отвори истрага и е во потрага по крадците и виното.

Ресторанот Maison Rostang е носител на две Мишелин ѕвезди во угостителството.