Паркинзите на училиштата во Гостивар отворени за бесплатно паркирање поради доаѓањето на печалбарите

Општина Гостивар и годинава со доаѓањето на печалбарите, ја спроведува праксата паркинг просторот во училиштата, да ги отвори за бесплатно паркирање. „Бидејќи капацитетот на јавни паркиралишта во градот Гостивар не ги исполнува потребите за време на престојот на иселениците во родниот крај, исто како и во изминтатите две години, општинските основни и средни училишта и годинава ќе ги отворат портите и ќе овозможат нивните паркинзи да служат како бесплатен јавен паркинг. Ова се прави со цел да им обезбедиме на нашите сограѓани подобри услови за време на нивниот престој во татковината.“, соопштија од локалната самоуправа.

Општината апелира до возачите, во престојниот период за да се избегнат гужви во сообраќајот, да се редуцира користењето на возила во централниот дел на градот.